اضحكوا يا مصراوية

- موظف غلبان خصموا ربع مرتبه لصالح فلسطين من غيظه اتبرع بالباقي لاسرائيل

- مرة واحدكسلان راح لحلاق الحلاق سألوا شعر ولادقن قال دقن الحلاق قاله ارفع راسك قاله خلاص مشيها شعر

- بلدياتنا راح صيدليه قال للصيدلي عايز لبن اطفال سأله اسمه ايه قاله عبد الرازق

- بلدياتنا كان رئيس بعثة الحج فقال للحجاج لو شديتو حيلكم ياجماعه ممكن نرجع قبل العيد

- مره واحد مسطول ماشى فى الشارع لقى مذيعه بتقوله لو سمحت فين القمر قالها اهوه قالتلو مبروك كسبت عشرين جنيه قالها فى واحد تانى هناك اهوه

- مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا يوم التلات وهى يوم الخميس

- واحد مسطول ماسك لوح تلج بيقول حموت واعرف من فين بينقط

- هل تعرف من هو أوفي مخلوق؟ نملة مات زوجها الفيل وقعدت طول حياتها تدفن فيه

- واحد مسطول خبط شرطى بالعربية فااتصل ب 122 و قالهم احب ابلغكم انكم بقيتم 121

- مسئول بيقول لمسئول ايه اخبار الصوره اللى على علبة السجاير قاله ناس كتير بطلتها يا ريس قاله الحق نزلها على رغيف العيش ..

- واحد بيطلع فى الروح فالشيخ بيقوله انطق الشهادة بسرعة قاله دبلوم زراعه

- قرد ودانة مقطوعة كل ما يبص في المراية يقول سبحان الله الحلو مايكملشى